03/12/2013

Entrevista a Jerónimo Pereira, gañador do concurso "Covachef"

Grupo de 1º C
---------------------------------------------------------
O gañador do concurso, "Covachef" concede unha entrevista para o blog Primeiro Expreso.


P. -Tiñas algún outro prato na mente?

R. -A verdade é que si, de feito dubidaba entre a pizza e unhas madalenas de outono.

P. -Por que elixiches esa receita?

R. -Porque supoñía que a maioría ía  facer pratos doces.

P. -Como conseguiches esa receita? Tíñala na casa? Buscáchela en internet ou  deucha algún   familiar?

R. -Foi miña nai quen me deu a idea.

P. -Fixeras a receita antes ou  fixéchela especialmente para o concurso?

R. -Era a primeira vez.

P. -Fixéchela ti só ou axudouche alguén?

R. -Si, axudoume a miña nai.

P. -Canto tempo che levou preparala?

R. -Uns trinta minutos.

P.-Custouche moito facela?

R. -Non, é  moi sinxela.

P. -Cando cociñaches a pizza  pensabas que ía a pasar o que pasou?

R. -Non, nunca pensei que ía ser o gañador.

P. -Hai algún ingrediente segredo que non o dixeras?

R. -Non.

P. -Mentres preparabas a receita, hai algo que che saíra mal e tiveras que repetilo?

R. -Non, saíunos todo á primeira.

P. -Na primeira votación para elixir a comida con mellor presentación,  ao ver que non saías votado, que pensaches?

R. -Que non tiña posibilidades ningunha.

           P. -Que sentiches cando che dixeron que eras o gañador á mellor receita?

           R. - Chorei de alegría.

P. -Estabas nervioso cando che deron o premio?

R. -Moito.

P. -Gustouche o premio ou esperabas outra cosa?

R. -Gustoume moito.

P. -Compraches aos xuíces?

R. -Non…(risas)

P. -Xa gañaras algún premio antes? Que premio?

R. -Si hai anos. Era un libro relacionado co Samaín.

P. -Que fixeches cando chegaches a casa? Que dixo a túa familia cando lle dixeches que gañaras o premio?

R. -Chamar a miña nai por teléfono e contarllo. Ela alegrouse moito.

P. -Despois de probar ti todos os pratos e de  poder elixir, a cal lle darías o primeiro premio?

R. -Daríallo as “Tortitas de cabaza”.

P. -Que foi o mellor dese día?

R. -Gañar o premio e recibir os aplausos de todos os alumnos do centro.




Jerónimo Pereira/1º C
-------------------------------------------------
Pizza de outono

   Ingredientes:
Ø  Base de pizza.
Ø  Unha bandexiña de cogomelos.                       
Ø  Unha peituga de polo picada.                                          
Ø  Queixo relado.
Ø  Tres culleradas de tomate.
Ø  20 noces.
Ø  1/4 de cabaza en lascas.

Preparación
Botar a peituga nunha tixola cunha cullerada de aceite, con pouco lume. Mentres temos a peituga facéndose, botamos noutra tixola os cogomelos  cun chisquiño de allo e aceite. Por outro lado botamos o tomate na base da pizza, logo a cabaza, a peituga, os cogumelos, o queixo e por último as noces. Metémolo ao forno 20 minutos e despois dese tempo estará lista para comer.

27/11/2013

Pros e contras

Nerea Nieto/1ºC
---------------------------------
Ola a todos, agora imos escribir sobre  vantaxes e desvantaxes de diferentes aspectos. A ver que pensades vós?

Sandra Trigo/1ºC
----------------------------------
Cidade ou vila?

Eu penso que  a cidade está moi ben porque tes todo cerca: comercios, tendas, grandes almacéns... En xeral son máis grandes é teñen máis  variedade, pero tamén hai contras como:  ruído,  aire  máis contaminado; a parte de que é raro o día no que non haxa tráfico .
O bo das aldeas é que non hai case ruído e non hai tráfico. Por outro lado case todo ao teu redor é natural, é dicir, hai fincas, hortas e montes cheos de árbores. Tamén é importante lembrar que o feito de que sexan lugares pequenos e con pouca xente fai que se coñeza  todo o mundo que a habita.

Lucía Rodal/1ºC
-----------------------------
Compras tradicionais ou compras on line?

As compras tradicionais permiten  ver, tocar e probar todo antes de comprar, porén nas compras on line só poderás velo porque tocar e probar  non.  Aínda que as compras on line teñen as súas vantaxes, entre elas: máis talles,  non tes tanto extrés coma na tenda, aforras tempo xa que non hai que moverse da  casa para nada e tes infinidade de tendas nun único aparello, o teu ordenador.
  
Mirian Rouco/1ºC     
-----------------------------------------------
Viaxar só ou viaxar en grupo?

Viaxar en grupo  ten algunhas vantaxes. É unha maneira de pasalo ben cos teus amigos, xa que podes facer actividades en conxunto. Se vas a un país que non sabes falar moi ben a lingua, podes apoiarte nos teus compañeiros para que te axuden.
Pero tamén ten desvantaxes:Tes que esperar á xente, se  queres ir a un sitio debes pensar que hai máis persoas que  poidan querer   visitar outros lugares. Por iso é necesario sempre o consenso para que a viaxe sexa perfecta. Necesitas moita organización e coordinación; mentres que unha persoa soa pode decidir algo de repente ou cambiar unha decisión, que xa tiña tomada, porque non lle afectará a ninguén.

Viaxar en coche ou viaxar en bus?

Se viaxas en coche irás moito mais rápido que no autobús pero gastarás máis, tanto en gasolina como no aparcadoiro e contribuirás ao aumento de gases nocivos para o medio ambiente. Tamén che permitirá elixir o itinerario que un crea conveniente sen necesidade de seguir unha ruta xa preestablecida e poderás ir ata o lugar exacto do destino a diferenza das paradas do bus  que ás veces non están no sitio a onde queres chegar.

Laura Varela / 1ºC
----------------------------------------------------
Onde aprender unha lingua estranxeira?

O bo de aprender un idioma na academia é que é máis sinxelo, xa  que se ti vas ao país de orixe, sen saber nada, vaiche parecer que falan nun idioma extraterrestre .
Nunha academia ensinante máis que nada a gramática  porque se ti vas por exemplo a aprender inglés a Londres o que aprenderás será máis que nada expresión oral.
Outro factor positivo  de aprender o idioma no país é conseguir  unha boa  pronuncia  do idioma,  xa que todo o mundo o fala e escoitaralo por todas partes.
Imos cos contras: Se ti aprendes a falar a lingua na academia non te van poder ensinar todo o vocabulario  e quizais no país ao que vaias  si, ademais que na academia só vas falar a lingua estranxeira alí, ao saír xa perdes o contacto con esa lingua.

Jerónimo Pereira , Vera Rodríguez/ 1ºC
-------------------------------------------------
Casa ou piso?

Nós preferimos casa porque tes máis espazo e liberdade ca nun piso. Estás máis illado dos ruídos externos. Podes ter  horta, piscina, árbores e  garaxe propio.
As desvantaxes dunha casa son:  limpar moito, pagar máis pola electricidade, a calefacción, a auga, e IBI.
O mellor dun piso é que  acostuma estar máis  preto do centro e isto posibilita ter todo tipo de comercios e servizos a man.
Non obstante o piso ten menos  intimidade, hai máis ruídos, ás veces os veciños incordian; incluso podes ver os veciños de en fronte.


Anxo Uzal/1ºC
--------------------------------
Can ou peixe?

O can é moi bonito de pequeno, pero cada vez crece máis. Hai que levantarse de mañá para que vaia  facer as súas necesidades no xardín,  témolo  que duchar, secar, darlle de comer, pasealo, levalo ao veterinario, vacinalo contra a rabia e darlle cariño.

Do peixe só te tes que preocupar de cambiarlle a auga cando está moi sucia para que non morra e só lle debes  dar de comer unha vez ao día e é moito máis barato ca o can, pero  non o podes tocar nin podes darlle cariño. 

26/11/2013

1º da ESO triunfa no festa do magosto

Carolina Cedeira e Luís Corbacho / 1º ESO A
------------------------------------------------
O venres 15 de novembro celebramos o magosto no noso colexio, o CPI Covaterreña.
Despois do recreo estivemos todos os alumnos de secundaria no pavillón para descubrir os gañadores de dous concursos: “Cóntame un conto” e “Cova chef”.
No concurso “Cóntame un conto” había que facer un relato en galego que tivera como tema o magosto e que estivera dirixido a nenos de 3 a 6 anos. En terceira posición quedou Anxo, de 1º C, en segundo lugar quedaron Claudia e Ana de 1º B e o primeiro premio foi para Noemí e eu, Carolina, de 1º A. Pasamos bastante vergoña, porque tivemos que ler o noso conto diante de todos.
Déronnos varios agasallos pero o gran premio foi ler os contos aos nenos de Educación Infantil do colexio.
No concurso “Cova chef” había que presentar un prato que estivera elaborado con produtos de outono e explicar nun papel cales eran os ingredientes e a preparación. Deron dous premios: un á presentación do prato, que gañaron Ana e Antía de 2º ESO, e outro para o máis saboroso, que foi para Xerónimo de 1º C.
Despois da entrega de premios todos comemos as larpeiradas que se presentara ao concurso e por suposto castañas asadas, que para iso estabamos celebrando o magosto.
Finalmente fomos ao patio facer unha ruta de xogos populares como a corda, o trompo ou a ra. Os monitores foron os rapaces e rapazas de 1º C, así que os de 1º da ESO arrasamos en todo o magosto, como podedes ver.
Aupa 1º!!! 

25/11/2013

De excursión ao Faro de Vigo

Emilio García / 1º ESO B
-----------------------------
O día 13 novembro todos os alumnos de 1º de ESO fomos cos profesores Rebeca e Quique ás instalacións do Faro de Vigo que están en Chapela.
No autobús fixemos algo de balbordo xa que todos estabamos moi emocionados con esta excursión. Cando chegamos ao Faro tivemos que esperar un pouco a que viñera unha señora chamada Julia que nos guiaría por todas as instalacións. Subimos ata o primeiro andar e explicounos cousas sobre esas seccións. Despois fomos a unha sala na que todos nos sentamos para ver un vídeo relacionado coa historia deste xornal. No vídeo aparecían fotos antigas del, dende que se inaugurou en 1853 ata o día de hoxe.
Despois fomos ás maquinas que imprimen o periódico, aínda que a esa hora non estaban funcionando tal e como nos explicara antes Julia, pero no vídeo xa as viramos en marcha. Fomos pasando polas distintas seccións ata que chegamos case a última, na que un fotógrafo nos sacou unha foto que se publicará no Faro de Vigo o día 26 de novembro.
Finalmente acabamos na recepción e agasalláronnos cunha bolsa que contiña un póster do Celta de Vigo, un bolígrafo do Faro, un pin co escudo de Galiza e dous mapas.

17/11/2013

Escopolamina ou Burundanga

Nerea Nieto, Lucía Rodal e Laura Varela/ 1ºC
-------------------------------------------

A Escopolamina tamén chamada “ Burundanga” procede de Sudamérica. É un alcoloide . Encóntrase como metabólico secundario nas plantas da familia das solanáceas.
É unha droga moi tóxica, só pode ser usada en doses minúsculas para tratar a "Anetose", que son mareos. Unha sobredose pode causar delirio, pérdida de contacto coa realidade, parálise  e incluso a morte. Carece de sabor e cheiro. Úsase ilegalmente por secuestradores, violadores e delincuentes, en xeral, para deixar as súas vítimas sen coñecemento.
                                     O máximo
efecto prodúcese ao pasar dúas horas de entrar en contacto coa mesma ou mesmo un pouco antes. 
Hai pouco saíron varias noticias que relacionaban varios roubos coa utilización desta droga.  Alicante é unha das provincias máis afectadas polo uso ilegal deste produto. Alomenos   sábese de catro mulleres que sufriron roubos con violencia e intimidación por parte de grupos delitivos que utilizaron a Escopolamina.
A maneira de proceder dos delincuentes é a seguinte: Unha persoa achégase solicitando axuda, normalmente piden información a cerca dun enderezo que levan apuntado nun papel e que ofrecen á vítima. Esta ao coller o papel  entra en contacto coa droga que vai impregnada na nota, pasado un tempo a vítima perde toda noción da realidade e obedece en todo aos delincuentes. Isto provoca que as afectadas, unha vez recobrada a consciencia,  se dean conta de que foron timadas, xa que foron quen de retirar cartos das súas contas bancarias e darllelo a persoas estrañas sen decatarse.