16/06/2013

O curro de Mougás

Xavier Rodríguez / 1º ESO B
------------------------------
O día 9 de xuño fíxose o curro de Mougás. Había moita néboa e por iso ao principio quería suspenderse, pero despois de media hora de incertidume, o presidente decidiu facelo xa que se cadra non lle daban permiso para repetilo o domingo seguinte.
Este ano non escapou ningún cabalo da carruaxe aínda que no cordón escaparon moitos e ao final entrou pouco gando.
É unha pena que esta tradición desapareza debido á crise e a obrigación de poñer chip a todos os cabalos que están no monte.

13/06/2013

Quality Coast Gold Award 2013 para Baiona

París Vaqueiro / 1º ESO A
----------------------------
O Premio Quality Coast 2013 recaeu no concello de Baiona. Había máis de 1000 lugares candidatos a ser seleccionados e os tres gañadores foron ás Illas Azores (Portugal),  Pafoz  (Chipre) e Baiona.
Este galardón valora a conservación do  ecosistema mariño, o patrimonio natural e cutural, a beleza natural e a oferta turística e a seguridade. Tamén se valora a beleza natural e a calidade medioambiental.
O obxectivo deste premio é fomentar o desenvolvemento sostible nos destinos costeiros.
Esta noticia paréceme moi importante para a miña vila xa que traerá máis turismo e as nosas praias son moi bonitas e merecen este recoñecemento.

Sen palabras

Ana Quintas / 1º ESO A
-------------------------


Obradoiro de Matemáticas e Ligamats

Pablo Varela e Sergio Álvarez / 1º ESO B
----------------------------------------------
O alumnado de 1º de ESO fomos a Vigo a un obradoiro de matemáticas no que había un montón de actividades: facer debuxos con espellos, xogos de habilidade mental, unha especie de xogo de Tetrix, resolver operacións con calculadora, xogos de estatística, resolver problemas de lóxica e, a máis difícil, un xogo de tangram.
Ademais da excursión de pola mañá, algúns alumnos foron á Fundación Barrié de la Maza para participar no concurso de Ligamats. As probas foron bastante difíciles.
O equipo de 1º ciclo da ESO estaba formado por Lurdes de 1ºA, Ismael e Noelia de 2º e eu (Sergio de 1º B).
Había catro actividades e unha hora para facelas. Tres delas eran quebracabezas como Tangram, Hexamantes e Pentacubos, ademais dunha adiviña complexa na que nos daban pistas sobre tres persoas e tiñamos que adiviñar de que traballaban, que deporte practicaban... As actividades eran bastante difíciles pero conseguimos pasar á seguinte fase. De sete grupos, só  pasaron tres.
A final pareceume moito máis fácil que a primeira fase. Eu terminei o Tangram e un problema en pouco tempo, e os compañeiros terminaron rápido as outras fichas. A profesora incluso se sorprendeu da velocidade con que o fixeramos.
Qudedamos de terceiros e regaláronnos un libro e quebracabezas do estilo do Tangram.
Foi unha actividade divertida e disfrutei moito con ela. O próximo ano imos ir a polo primeiro posto!

30/05/2013

Foliada no CPI Covaterreña para celebrar o Día das Letras

Moisés Alonso e Andrea Pérez / 1º ESO A
-----------------------------------------
Para celebrar o Día das Letras Galegas, o 16 de maio tocamos a gaita con Mauro, outro compañeiro do colexio, e Pepa, a profesora de Educación Física.
Estivemos máis de dúas semanas ensaiando nos recreos e tocamos a Muiñeira de Poio, a Rianxeira, a Saia de Carolina, Ven bailar Carmiña Carmela e o máis importante para nós, o Vals para Alba.
Cando tocamos diante dos rapaces e profes de todo o colexio puxémonos moi nerviosos, pero gustounos moito a experiencia. Ademais mentres tocabamos, un grupo de baile galego tamén actuou.

Moisés:  "Quixen aprender a tocar a gaita en honor ao meu bisavó. Levoume dous anos aprender a tocar co pito para poder tocar a gaita e agora xa levo catro anos de ensaios".
Andrea: "Comecei a tocar a gaita animada por Moisés. Ao principio non me gustou pero agora podo dicir que me encanta. O máis difícil para min é encher o fol de aire porque hai que soprar moito".

O seu profesor, Xaime Estévez, púxolle de nome ao grupo Os Novos Galiños de Belesar porque xa houbo outro grupo que se chamaba Os Galiños de Belesar  e o seu fundador fora o bisavó de Moisés.

24/05/2013

Roberto Vidal Bolaño no Día das Letras Galegas

Zaira Fernández e Sabela Gallego / 1º ESO B
---------------------------------------------
Este ano nas Letras Galegas homenaxeamos a Roberto Vidal Bolaño, autor, director e actor de teatro galego nacido o 31 de agosto do ano 1950 en Santiago de Compostela e falecido no 2002.
Formou parte do "Grupo Abrente" que, a partir dos anos 70, renovou e actualizou tanto a escrita como as representacións dramáticas galegas.
A pesar de que xa nas décadas dos setenta e oitenta lograra diversos premios coma o "Abrente" ou "O Facho", o recoñecemento artístico de Vidal Bolaño non se produciu ata os anos noventa, coa obtención de premios galegos e portugueses.
A figura e a obra de Roberto Vidal Bolaño foron fundamentais na construción dun teatro nacional galego.
Algunhas das súas obras máis destacadas son: Días sen gloria, As actas escuras ou Saxo tenor.
Se queres máis información sobre a súa figura recomendámosche 

11/05/2013

Visita aos petroglifos e ao encoro de Baíña

José Carneiro e Álvaro Moreira / 1º ESO A
-------------------------------------------
O pasado 24 de abril o alumnado de 1º de ESO fixemos unha visita aos petroglifos e ao encoro de Baíña acompañados polos profesores de Ciencias Sociais Emilio, Loreto e Andrés.
Primeiro fomos á planta potabilizadora e ao encoro de Baíña. Un dos seus traballadores explicounos como se potabilizaba a auga e vimos onde se acumula. A presa é xigante e como estaba ao 100% da súa capacidade tiña aberta unha pequena fervenza para baleirala un pouco.
Despois, aproveitando que en 1º estamos a estudar a Prehistoria, achegámonos ata os petroglifos do Lameiro. Os petroglifos son gravados prehistóricos que se facían calcando sucos en grandes pedras dando un efecto de relevo e movemento, representando a caza e a humanidade.
O que máis nos gustou foi debuxar os petroglifos co resto dos compañeiros do grupo, aínda que á media mañá non é cando mellor se aprecian, pois esa luz non é a máis axeitada para contemplalos en todo o seu esplendor.

26/04/2013

Os animais de area de Theo Jansen

Andrea Pérez Fernández e Betty López Simoes / 1º ESO A
-------------------------------------------------------
Theo Jansen crea esculturas móbiles que lembran os animais prehistóricos. 
Nas praias de Holanda este escultor pon a camiñar as súas fascinantes obras. A forza do vento fai que se movan, de aí o nome de arte cinética.
Para fabricar estes enormes seres utiliza tubos e botellas de plástico que pesan pouco. Os "animais de area", que é como el os chama, poden camiñar pola praia evitando os obstáculos e a agua.
 Ademais, teñen unhas pezas que actúan como áncoras que se agarran á area e impiden que a figura sexa arrastrada por un forte refacho.
Inspirado na teoría de Darwin da evolución, Theo Jansen vai mellorarando os seus animais por ensaio e erro. O seu obxectivo final é que as esculturas poidan sobrevivir sen a axuda do seu creador.
A nós gústannos as obras deste gran artista porque poden valerse por si mesmas, son moi orixinais e tamén porque semellan animais prehistóricos e ese tema resúltanos interesante.

17/04/2013

Actividade coa Cruz Vermella

Verónica Lago e Sergio Álvarez / 1º ESO A-B
-------------------------------------------------------

Os días 21 e 22 de marzo no CPI Covaterreña houbo unha actividade cuns voluntarios da Cruz Vermella. Faláronnos da autoestima, a comunicación, os Dereitos Humanos, a violencia de xénero e o bullying entre outros. Na actividade participou 1º de ESO.
O primeiro día as actividades serviron para traballar o tema da autoestima e a comunicación. Nunha delas cinco alumnos saíron da clase e foron entrando un por un. Tiñamos que pedirlles o que quixeramos, coma bailar, cantar, actuar...
Tamén nos mandaron facer unha cadea de alumnos que formaba un círculo pechado. Despois 5 ou 6 voluntarios quixeron entrar no círculo pero só un fixo o de xeito correcto: pedindo por favor. En cambio o resto empregaba a forza bruta para entrar danándose el e danando ao resto de alumnos. Iso é un reflexo do mundo actual xa que non respectamos á xente e só pensamos en nós mesmos.
Outra actividade foi imaxinar que todos estabamos nun barco; a continuación a cada un déronnos un papel que tiña escrito un oficio ou forma de ser. O barco levaba sobrepeso e había que tirar cinco persoas. Tiñamos que decidir a cales tirar, pero era imposible dado que tiñamos que aplicar os dereitos humanos.
O segundo día faláronnos dos maltratos e o bullying. Un xogo moi interesante que fixemos foi poñer unha pelota no centro da clase e imaxinar que era unha laranxa. Depois puxeron dúas cadeiras arredor da pelota. Dous alumnos sentáronse nelas e déronlles dous papeis, pero non os leron en voz alta. Os dous alumnos comezaron a pelexar pola pelota/laranxa e todos quedamos abraiados ata que lemos os papeis. Un dicía que, para salvar ao seu pai, necesitaba toda a casca da laranxa, pois era o antídoto. O outro papel dicía que o antídoto para salvar ao seu pai estaba na polpa da laranxa. Aí entendemos porque pelexaban. Impresionámonos ao ver que por falta de comunicación entre as dúas persoas estaban a pelexar, cando os dous podían conseguir o seu propósito.
Aprendemos que todo o mundo ten dereitos, como por exemplo o dereito á vida, ou a ter unha casa e un fogar.
Gustounos moito este obradoiro, divertimos e pasámolo xenial cos compañeiros.

10/04/2013

O meu é...

A VELA

Javier Fdez Santodomingo / 1º ESO A
--------------------------------------
Vou á Escola de Vela dende hai tres anos. Alí estamos máis de cincuenta nenos e nenas. Ao principio practicas cun optimis, que é un barco moi pequeno, pero a medida que vas collendo máis experiencia vas probando outros barcos máis grandes coma o cadete, o 420, o láser...
Ás veces é un pouco aburrido porque hai alerta meteorolóxica, pero os días con sol e vento son os mellores. O malo é que só adestro un día á semana, de catro a seis e media da tarde.

 

A MÚSICA

Raquel Domínguez / 1º ESO A
-----------------------------
Eu toco a frauta traveseira na Banda de Música de Belesar dende hai máis de 5 anos. Este instrumento é moi complicado pero ensaio dous días por semana para facelo o mellor posible.
Toco nas dúas bandas: a xuvenil e a maior. Na maior hai máis nivel e máis instrumentos, pero a xuvenil serve para motivar os músicos que acaban de empezar, para aprender e así algún día poder entrar na Banda Maior. Para formar parte desta, os músicos teñen que pasar unha proba para demostrar que están preparados. Eu este ano xa estou nela.
A distribución dos músicos e instrumentos é a seguinte: na primeira fileira están situados os óboes e as frautas, detrás están os saxos, logo os violoncellos, a tuba, o bombardino, as trompas e as trompetas, e máis aló están os instrumentos de percusión.

Betty López Simoes e Ana Quintas Abia / 1º ESO A
-----------------------------------------------
Imos á Escola Municipal de Música de Baiona dende hai catro ou cinco anos. Alí aprendemos solfexo, e  a tocar a batería, o xilófono, o violín e a guitarra.
Como na maioría de centros de ensinanza, a temporada de clases comeza en setembro e remata en xuño. Esta escola está na Praza da Pedro de Castro, no edificio no que antes estaba a Casa do Concello, porque o lugar no que estaba antes estano reformando.
Hai clases de piano, percusión, violín, guitarra, saxofón, trompeta, frauta traveseira, clarinete...
Tamén ensinan linguaxe musical e música e movemento para os máis pequenos.

A FOTOGRAFÍA

Guillermo Naharro / 1º ESO B
-------------------------------
Eu sei algunhas cousas sobre fotografía. A maioría aprendinas do meu pai e dun curso de fotografía chamado "Trípode".
Aprender fotografía é complexo, posto que hai que fixarse na luz, no encadre... Tamén hai varios modos de disparo: automático, o máis usado; paisaxe, para paisaxes e obxectos fixos; retrato, úsase para fotografar as persoas; semiautomático, para axustar o tempo de apertura e o diafragma; e o disparo manual, que se usa axustando todos os controis.

O BAILE

Moisés Alonso / 1º ESO A
----------------------------
Eu estou aprendendo baile moderno. Ademais de pasalo moi ben, fago exercicio sen darme conta. Bailamos cancións de todo tipo, pero sobre todo as que teñen marcha.
Vou á escola de baile “Galicia en danza” e só neste último ano gañaron 60 primeiros! A escola está aberta a todo o público maior de 3 anos e ensinan predanza e preballet para os pequenos, moderno, clásico, contemporáneo e hip hop .

O FÚTBOL

Juan Luís Jesús / 1º ESO A
---------------------------
Eu xogo no Rácing Vilariño. Adestro tres veces á semana e facemos exercicios que me gustan moito como por exemplo tiros a porta, circuítos, partidillos... Cada fin de semana xogamos contra un equipo diferente.
Somos 16 no equipo e todos nos levamos moi ben.