23/01/2012

Preparando o Día da Paz

Manuel Fernández e Mauro Pazos / 1º ESO B
------------------------------------------------
O 30 de xaneiro conmemórase o Día da Paz e  no CPI Covaterreña estanse preparando diversas actividades. Algunhas das máis populares son o certame literario “Dolores Agrelo”, o concurso “Pazrapeando” e a lectura do manifesto no que se reflexiona sobre valores.
Pero este ano unha nova actividade está mobilizando aos seus estudantes: os grous de papel.
Todo comezou coa lectura dun relato sobre a bomba atómica de Hiroshima. Os alumnos souberon así da existencia dunha nena chamada Sadako Sasaki que enfermou de leucemia. Unha amiga ensinoulle a facer grous de papel e díxolle que se conseguía facer mil podía pedir un desexo. Por desgraza, Sadako faleceu cando tiña feito 644 paxaros pero os seus compañeiros remataron a tarefa e aforraron diñeiro para construír unha estatua que representa á nena sostendo un grou. En lembranza daquel tráxico suceso, cada ano fanse miles de grous e cólganse da estatua buscando transmitir un desexo de paz.
Os alumnos do Covaterreña sumáronse a esta iniciativa a través dunha actividade organizada polo Equipo de biblioteca e estes días fóronse depositando a carón de secretaría centos de grous de todos os tamaños e cores.



6 comentários:

  1. marina 1ºa24/01/12, 14:52

    Eu fixen un grou moi bonito a ver se chegamos aos 1.000 grous

    ResponderEliminar
  2. Dende o grupo de biblioteta gustaríanos dar as grazas a todos pola vosa participación nos grous porque xa estamos a piques de chegar os 1000.

    Grazas.

    ResponderEliminar
  3. FOI UN GRAN APOIO A NENA DO ORIGAMI PORQUE NA CLASE DE MATEMÁTICAS FIXEMOS GRUAS FOI UN XESTO QUE ME GUSTOU MOITO COMO RECORDO DA NENA.

    ResponderEliminar
  4. Jorge 1ºA30/01/12, 20:53

    Ao final fixemos os mil grous, ao principio pensaba que non o iamos a conseguir pero grazas a colaboración de todos os nenos e nenas conseguimos ese reto tan apaisoante.

    ResponderEliminar
  5. Jose Luis 1ºB31/01/12, 21:51

    O día da paz estivo moi entretido,o dos grous foi unha excelente idea, aparte de pasalo ben aprendimos un pouco máis sobre o que fan nos demais paises para de algunha forma pedir axuda, a verdade é que é unha pena o que lle pasou a nena, é inxusto que por culpa de algunhas persoas morran outras, ao principío case niguen sabia facer grous, pero grazas as profesoras e a esa idea aprendimos e de feito agora as facemos de *ipso facto, alguns grous están moi logrados, a miña estaba coloreada con un rotulador fluorescente verde, estaba moi chula.

    Moitas grazas por facer actividades que entreteñan.

    ResponderEliminar
  6. Uxía Penedo Rodíguez 1ºb09/02/12, 17:52

    O día da paz estivo moi ben , fixemos moitas cousas:dedicarlle un concurso a DOLORES AGRELO que é a persoa que nos deu o terreno para poder construir o colexio,tamen ensinaronnos a facer grous , eu leven 4 grous a conserxeria e unha quedeimea de recordo e por último as entregas dos premios dos concursos .
    A min o que mais me gustou foi facer a carta do concurso dolores agrelo ainda que non ganei pero o importante foi levar os positivo que me puxo quique o profe de lengua.
    Espero que sigades propoñendo actividades, que si que participarei.

    ResponderEliminar